«Պայմանագրի կնքման համար պետք է երկու կողմերի շահագրգռվածությունը,
ինչպես նաև այլ գործոններ։ Պատճառը, որ չունենք
այսօր պայմանագիրը, այն է, որ Ադրբեջանը պարբերաբար ապակառուցողական է դրսևորում
իրեն»: Այս մասին ասաց Ազգային ժողովի «Քաղաքացիական պայմանագիր» խմբակցության պատգամավոր
Արուսյակ Ջուլհակյանը՝ անդրադառնալով Հայաստանի ու Ադրբեջանի միջև խաղաղության պայմանագրին։
Ըստ պատգամավորի՝ Ռուսաստանը
տարածաշրջանում ներկայությունը պահպանելու խնդիր ունի, և միգուցե ՌԴ-ի շահից չի բխում,
որ տարածաշրջանում խաղաղություն լինի. «Որովհետև եթե խաղաղություն լինի, ապա «մեծ եղբոր» կարիքը ՀՀ-ին պետք չի լինի»։
Ինչ վերաբերում է Հայաստան-ԵՄ
հարաբերություններին ու Եվրաքվե նախաձեռնությանը, Ջուլհակյանը ասաց. «Եվրաինտեգրումը
կոնկրետ քայլեր ենթադրող գործընթաց է, և այդ
քայլերի վրայով թռնելու հնարավորություն չկա։ Եթե փորձ է արվում ԵՄ-ի դրոշակը վերցնել
ու ցույց տալ, որ իրենք են ժողովրդին առաջնորդում Եվրոպա, ապա ասեմ, որ մի փոքր ուշացել
են։ ՀՀ վարչապետն է առաջին անգամ դրա մասին
հայտարարել, նաև հիշենք ԵՄ դիտորդների տեղակայումը ՀՀ-ում, Եվրամիության կողմից խաղաղության
գործիքի տրամադրումը, վիզաների ազատականացման գործընթացի մեկնարկը և այլն»։
Մանրամասն՝ տեսանյութում
Դավիթ Լևոնյան
