Դեկտեմբերի 31-ից հունվարի 2-ը ներառյալ Երևանի «Շտապօգնություն» ՓԲԸ-ում  3373 կանչ են ստացել։ Այդ մասին Civic.am-ի հետ զրույցում տեղեկացրեց «Շտապօգնություն» ՓԲԸ–ի տնօրեն Ռուբեն Գրիգորյանը։

Վերջինս նշեց, որ կանչերի թիվը նախորդ տարվա նույն ժամանակահատվածի համեմատ 94-ով ավելի է։

Ռուբեն Գրիգորյանը նաև տեղեկացրեց, որ հիմնականում կանչերի պատճառ են հանդիսացել սուր շնչառական վարակները, այնուհետև ինֆեկցիաներն ու սրտանոթային հիվանդությունները։

«Ամանորյա օրերին թունավորման ընդամենը 1-2 ոչ ծանր դեպք է արձանագրվել։ Դեկտեմբերի 31-ին  1 վնասվածք ստանալու ահազանգ է եղել՝ 6 տարեկան երեխան ձեռքն էր վնասել, նրա մատներից մեկը պետք է ամպուտացվի։ Դեկտեմբերի 31-ի գիշերն ընդհանուր առմամբ շտապօգնության 48 բրիգադ է աշխատել»,- հավելեց «Շտապօգնություն» ՓԲԸ-ի տնօրենը։