ՀՀ տարածքային ամբողջականությունն ու ինքնիշխանությունն
առանցքային դեր ունի Միացյալ Նահանգների համար, ու սա այն ֆունդամենտն է, որի վրա կառուցվում
է ԱՄՆ դիրքորոշումը ՀՀ նկատմամբ։ Անդրադառնալով ՀՀ-ԱՄՆ ռազմավարական գործընկերության
հանձնաժողովի կանոնադրության ստորագրման մասին հարցին՝ ասաց «Հանուն հանրապետության»
կուսակցության փոխնախագահ, քաղաքագետ Ռուբեն Մեհրաբյանը։
Ռուսաստանն, իհարկե, ըստ Մեհրաբյանի, պետք է պատասխաներ
սրան։ Նրանց տեսանկյունից այստեղ պետք է անկախ պետություններ չլինեն։ Մեհրաբյանը նկատեց
նաև, որ ՌԴ պատասխանը շատ բազմաշերտ էր, քանի որ այս ամենը նա համարում է հարված իր
ռենոմեին։
Այդ պատասխանների համատեքստում էին նաև որոշ ներհայաստանյան
արձագանքներ։ «Հստակ շերտեր են՝ 5-րդ շարասյուն, 6-րդ պալատ, մարիա զախարովաների տարբեր
դրսևորումներ՝ քաչալ Մարիա Զախարովա, էժան գարեջրի սիրահար Մարիա Զախարովա և այլն։
Այդպես էլ պետք է լիներ։ Այս երգչախումբը իզուր չէ այս Կալինկան դրել մեջտեղը, որովհետև
իրենց գաղափարական ակունքներն են դեգրադացվում, ու հայտնվում են խաղից դուրս վիճակում»,
- ասաց Մեհրաբյանը։
Մանրամասն՝ տեսանյութում
Վովա Հակոբյան
