«ԱՄՆ-ի ու ԵՄ-ի հետ հարաբերությունները
չպետք է դիտարկել այլ միավորի դեմ ուղղված։ Ամեն ինչի կենտրոնում պետք է դնել Հայաստանի
պետական շահը»: Այս մասին ասաց Ազգային ժողովի «Քաղաքացիական պայմանագիր» խմբակցության
պատգամավոր Սոնա Ղազարյանը՝ անդրադառնալով ՀՀ-ԱՄՆ ռազմավարական գործակցությանը։
Ըստ Ղազարյանի՝ հնարավոր է բալանսավորել
ՀՀ-ի հարաբերությունները ԱՄՆ-ի ու ՌԴ-ի հետ և ՀՀ-ն չդնել կոնֆլիկտների կենտրոնում.
«Հայ-ռուսական հարաբերությունները հիմա բարդ շրջանում են, ու մենք վեր ենք հանում խնդիրները։
Բայց մենք ունենք ՌԴ-ի հետ տնտեսական հարաբերություններ, որոնք գնահատում ենք։ Հայ-ռուսական
հարաբերությունները պետք է կառուցվեն սուվերենության ու ինքնիշխանության շուրջ»։
Ղազարյանը կարծում է, որ ՀՀ-ի
բրենդը հիմա ժողովրդավարությունն է, և այդ առումով մենք առաջ ենք անցել նույնիսկ Արևելյան
Եվրոպայի որոշ երկրներից. «Ժողովրդավարությունը ապահովում է անվտանգություն, այն ուժեղ ու առողջ պետության գրավականն է, ու մենք
այս առումով զարգացնում ենք մեր հարաբերությունները ԵՄ-ի ու ԱՄՆ-ի հետ»։
Մանրամասն՝ տեսանյութում
Դավիթ Լևոնյան
