ԱԺ ՀՀԿ խմբակցության նախկին պատգամավոր Արկադի Համբարձումյանը՝
«Դերժավայի Արկադի» և նրան փոխկապակցված մի
շարք անձինք՝ զավակները Սուսաննա, Սվետլանա, Ստանիսլավ Համբարձումյանները, ինչպես նաև Փառանձեմ Խաչատրյանը,
Արթուր Մանուկյանը, Արմինե Հովակիմյանը, Սուսաննա Հովակիմյանը, Ստանլիսլավ Հովակիմյանը,
Իննա Բեգլարյանը փետրվարի 3-ին հրավիրվել են ՀՀ դատախազության ապօրինի ծագում ունեցող
գույքի բռնագանձման գործերով վարչություն։ Сivic.am-ը վերոհիշյալ անձանց ուղարկված
ծանուցագրերից տեղեկացավ, որ բացի Արկադի Համբարձումյանից, մնացած բոլորին սեփականության
իրավունքով պատկանող գույքերը ենթակա են բռնագանձման։
Նշենք, որ «Դերժավա-Ս» և «Սլավգրուպ»
ՓԲ ընկերությունների բաժնետեր Արկադի Համբարձումյանին Սերժ Սարգսյանը ժամանակին պարգևատրել է «Հայրենիքին մատուցած ծառայությունների
համար» 2-րդ աստիճանի մեդալով:
Նշենք, որ «Դերժավա-Ս» ՓԲԸ-ի
բաժնետերերից մեկը Արկադի Համբարձումյանն է (2019-ից), մյուսը Ստանիսլավ Հովակիմյանը
(2005-ից)։ ( Ա․Համբարձումյանը «Սլավգրուպ»-ի բաժնետեր
է դարձել 2019-ից, մյուս բաժնետերն էլ Արմինե
Հովակիմյանն է՝ 1998-ից)։
Հակակոռուպցիոն կոմիտեն, հիշեցնենք, 2022-ին քրեական
գործ էր հարուցել մեղադրանք է առաջադրվել ավելի քան 350 մլն ՀՀ դրամ արժողությամբ գույքը
չհայտարարագրելու և 211 մլն ՀՀ դրամի հարկեր և տուրքեր չվճարելու համար։ Հակակոռուպցիոն
կոմիտեի հաղորդագրության մեջ մասնավորապես նշվում էր, որ Համբարձումյանը, 2003թ.-ից
մինչև 2019թ. հունվարի 14-ը զբաղեցնելով ՀՀ ազգային ժողովի պատգամավորի պաշտոնը և լինելով
հայտարարատու պաշտոնատար անձ, Արկադի Համբարձումյանը 2019թ. փետրվարի 9-ին ՀՀ կոռուպցիայի
կանխարգելման հանձնաժողով է ներկայացրել պաշտոնեական պարտականությունները դադարեցնելու
օրվա դրությամբ առկա գույքի, եկամուտների և փոխկապակցված անձանց հայտարարագիր, սակայն
դրանում թաքցրել է իրեն պատկանող` 8 մլն ՀՀ դրամից ավելի արժեք ունեցող, 2017 և
2018 թվականներին գնված` թանկարժեք իր հանդիսացող վերոհիշյալ կահույքի խմբաքանակները,
ինչը հանգեցրել է առանձնապես խոշոր չափերով՝ ընդհանուր ավելի քան 350 մլն ՀՀ դրամ արժողությամբ
գույքի չհայտարարագրմանը:
