Երևանում Կիևյան կամրջից 66–ամյա կին է նետվել։ Տեղեկությունը հայտնում է shamshyan.com-ը։

Նշվում է, որ դեպքի մասին ահազանգը ՆԳՆ փրկարար ծառայության 911 ճգնաժամային կառավարման ազգային կենտրոնում ստացվել է այսօր ժամը 14:00-ի սահմաններում։

«Փրկարարները Կիևյան կամրջի տակից՝ Հրազդան գետից, դուրս են բերել կնոջ մարմինը, ժամանած շտապօգնության բժիշկների հերթապահ խումբը արձանագրել է կնոջ մահը»,–գրում է կայքը։

Ոստիկանները պարզել են, որ մահացածը Արմավիրի մարզի բնակիչ 66-ամյա Աննա Մ.-ն է։

Դեպքի փաստով Աջափնյակ և Դավթաշեն վարչական շրջանների քննչական բաժնում նախաձեռնվել է քրեական վարույթ։