Փրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ:
Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։
Ջերմուկ քաղաքի խաչմերուկից Սարավան-«Զանգեր» տանող ավտոճանապարհը կցորդիչով բեռնատարների համար փակ է մինչև խցանումների վերանալը։
Նորավանի խաչմերուկից Շինուհայր և Սյունիք գյուղի ավտոճանապարհները փակ են կցորդիչով բեռնատարների համար։
Լծեն-Տաթև-Կապան ավտոճանապարհը միակողմանի երթևեկելի է։
Դժվարանցանելի են Սյունիքի մարզի ավտոճանապարհները։
Նորաշեն-Ալագյազ (բուք է), Ջուջևան-Ոսկեպար, Գեղարոտ-Ջամշլու (բուք է) ավտոճանապարհներին, Դիլիջանի ոլորաններում և Նորաշեն «Զանգեր» կոչվող հատվածում տեղ-տեղ առկա է մերկասառույց։
Սյունիքի մարզում (բացի Քաջարան քաղաքից և «Մեղրու սար» կոչվող հատվածից), Լոռու մարզում (բացի Ալավերդի քաղաքից) տեղում է ձյուն։
Գորիս-Նորավան-Լծեն ավտոճանապարհին բուք է։
Վարորդներին խորհուրդ է տրվում երթևեկել բացառապես ձմեռային անվադողերով։
