Արձանագրենք, որ ՀՀ վարչապետը մեր տարածածրջանից առաջինն է, որ Սպիտակ Տանը հանդիպել է նոր ադմինիստրացիայի բարձրաստիճան պաշտոնյայի հետ։ Այս մասին civic.am-ի հետ զրույցում նշում է քաղաքագետ Արեգ Քոչինյանը՝ անդրադառնալով ԱՄՆ-ում տեղի ունեցած ՀՀ վարչապետի ու ԱՄՆ փոխնախագահի հանդիպմանը հավելելով, որ հանդիպումից  բավականին լավ ուղերձներ կան ՀՀ-ի համար և կարևոր է հանդիպման բովանդակությունը, այլ ոչ թե լուսանկարը։

Ըստ Քոչինյանի՝ ռուս-ադրբեջանական հարաբերությւոնների լարման ֆոնին միամտություն է  կարծել, թե Հայաստանը կարող է օգտվել դրանից ու ՌԴ-ի հետ հարաբերությունների ավելի կառուցողական արդյունքի հասնել․ «Դրա մեջ մտնելը կնշանակի գործիքայնացվել ՌԴ-ի կողմից։ ՌԴ-ի ու Ադրբեջանի միջև լարումը գեներացվում է Ադրբեջանի կողմից։ Ըստ էության ՌԴ նախագահը արդեն ներողություն է խնդրել Ադրբեջանից, բայց Ալիևն ասում է այդքան էլ լավ չեք ներողություն խնդրել, ավելի ուժեղ ներողություն խնդրեք։ Ադրբեջանը լուրջ է վերաբերվում իրենց այն հայտարարություններին, որ իրենք այլևս փոքր ուժ չեն, այլ միջին են»։

Քոչինյանի կարծիքով՝ ՀՀ-ի ու Ադրբեջանի միջև խաղաղության պայմանագրի կոնտեքստում Թուրքիան չի նեղացնի Ադրբեջանին, բայց պետք է աշխատել Թուրքիայի հետ, որովհետև այն այդ հարցում Թուրքիայի դերակատարությունը մեծ է․ «Նաև պահը հասունացել է նոյեմբերի 9-ի փաստաթղթից դուրս գալու հարցը։ ՀՀ-ն պետք է հայտարարի, որ եռակողմ ձեռք բերված պայմանավորվածությունները այլևս ակտուալ չեն»։

Քաղաքագետը կարծում է, որ Ադրբեջանի հետ պետք է կոմունիկացվել՝  հանելու ՌԴ-ի մասնակցությունը հայ-ադրբեջանական հարաբերությունների կարգավորումից, իսկ ինչ վերաբերվում է հավանական պատերազմին, Քոչինյանը ասաց․ «Պատերազմի հավանականությունը ցածր է, որովհետև ոչ մի պետություն դա չի ցանկանում, նույնիսկ Թուրքիան, ու շատ անկանխատեսելի է ԱՄՆ-ի արձագանքը»։

Մանրամասները՝ տեսանյութում։

Դավիթ Լևոնյան