«Այսօրվա ասուլիս տվողը հիշեցնում
էր ռուսական հատուկ ծառայությունների «պռապրշիկի»։ Այս մարդը այդպես էլ չի գիտակցում,
որ հենց ինքն է եղել ԼՂ խնդիրը ինքնորոշման հարցից տարածքային վեճի դաշտ տեղափոխողը»:
Այս մասին civic.am-ի հետ հարցազրույցում ասաց Ազգային ժողովի «Քաղաքացիական պայմանագիր» խմբակցության պատգամավոր
Վահագն Ալեքսանյանը՝ անդրադառնալով Ռոբերտ Քոչարյանի այսօրվա ասուլիսի ժամանակ հնչեցրած
մտքին, թե «մաստեր կլասս» բանակցություններ
է վարել Մեղրին ԼՂ-ով փոխանակելու հարցում։
Ալեքսանյանը հավելեց. «Քոչարյանի նպատակն
է, որ Հայաստանը լինի «տուպիկ» աշխարհի համար, իսկ մենք առաջարկում ենք, որ ՀՀ-ն աշխարհի
համար լինի խաչմերուկ։ Իրենք ընկալում են ՀՀ-ն որպես տուպիկ»։
Ինչպես նշեց Վահագն Ալեքսանյանը, եկող խորհրդարանական ընտրություններում
Ռոբերտ Քոչարյանը ոչ մի շանս չունի ՀՀ-ում ծանրակշիռ դեր ստանձնելու. «Նշված անձնավորության
տպավորությամբ ՀՀ-ին սպասում են միայն երկու տեղում՝ մեկը ՌԴ-ի կազմն է, մեկը՝ Միութենական
պետության կազմը. ինքը երկու տարբերակին էլ կողմ է, դա իր տեսլականն է»։
Մանրամասն՝ տեսանյութում։
Դավիթ Լևոնյան
