«ՀՀ-ԵՄ հարաբերությունները ընդլայնվել են, ու այն ներառում է  նաև անվտանգության ոլորտը, հատկապես շատ կարևոր է Հայաստանում ԵՄ դիտորդների առկայությունը»: Այս մասին ասաց Ազգային ժողովի «Քաղաքացիական պայմանագիր» խմբակցության պատգամավոր Մերի Գալստյանը՝ անդրադառնալով ՀՀ-ԵՄ հարաբերություններին։

Ըստ պատգամավորի՝ ՌԴ-ի հետ հարաբերություններում կան խնդիրներ, բայց եվրոպական ձգտումները միայն դրանով չեն պայմանավորված. «Հանրության մոտ եվրոպական ձգտումները պայմանավորված են կյանքի ավելի բարձր որակ ունենալու ցանկությամբ»։

Պատգամավորը նշում է, որ ՀՀ-ն տարբեր երկրների հետ զարգացնում է դիվանագիտական, անվտանգային ու տնտեսական բալանսավորման, դիվերսիֆիկացման քաղաքականություն. «Աշխարհը գնում է բազմաբևեռ ուղղությամբ, ու մեկ կենտրոնից կախվածությունը անվտանգային խնդիրներ է ստեղծում»։

Գալստյանը, անդրադառնալով Երևանում տեղի ունեցած ՀՀ-ԵՄ խորհրդարանական գործընկերության կոմիտեի 4-րդ նիստին, նշեց. «ԵՄ խորհրդարանի մեր գործընկերները վերահաստատեցին իրենց հանձնառությունն ու աջակցությւոնը ՀՀ-ում տեղի ունեցող բարեփոխումներին։ Ողջունեցին ԵՄ-ին ՀՀ անդամակցության գործընթաց սկսելու մասին ԱԺ-ում ընդունված օրենքի նախագիծը։ Ամենակարևորն այն է, որ ընդգծվեց ԵՄ-ի շարունակական աջակցությունը այս բարեփոխումների նկատմամբ»։

Մանրամասն՝ տեսանյութում

Դավիթ Լևոնյաննու շարունակական աջակցությւոնըմ ւթյան կոմիտեի 4-րդ նիստը