«Սահմանադրական վերջին փոփոխությունները անցել էին
համատարած բռնաճնշումների ու ընտրակաշառքների ներքո, և այդ պայմաններում ընդունված
Սահմանադրությունը լեգիտիմ չէ»: Այս մասին ասաց Ազգային ժողովի «Քաղաքացիական պայմանագիր»
խմբակցության քարտուղար Արթուր Հովհաննիսյանը՝ անդրադառնալով ՀՀ-ում նոր Սահմանադրության
ընդունման կարևորությանը։
Հովհաննիսյանը, անդրադառնալով
որոշ ուժերի կողմից տարվող խոսույթներին, թե ՀՀ-ն չի կարող պաշտպանվել արտաքին մարտահրավերներից
կամ հարևանների հետ խաղաղության հասնել առանց ՌԴ աջակցության, նշեց. «Ես անընդհատ լսում
եմ քոչարյանամերձ, սերժամերձ ընդդիմությունից այդ թեզը, նաև, որ ՀՀ-ն չպետք է ունենա
նոր Սահմանադրություն, սահմաններ, լեգիտիմ իշխանություն, այլ ունենա գուբեռնատոր՝ նշանակված
համապատասխան տեղից։ Բայց ՀՀ-ն հիմա սեփական քաղաքականությունը վարող պետություն է,
և ես պետք է խնդրեմ մեր արևմտամետ ու ռուսամետ գործընկերներին չընկնել ծայրահեղությունների
գիրկը ու պետք չէ երրորդ ուժի սպասումով ապրել։ Երրորդ ուժին պետք չէ սպասել, ՀՀ-ն
վարում է բալանսավորված քաղաքականություն»։
Հովհաննիսյանը կարծում է, որ
չպետք է ՀՀ-ի մասին ընկալում ձևավորվի որպես ԵՄ-ի, ԱՄՆ-ի կամ ՌԴ-ի պրոքսի պետություն.
«Մենք սուվերեն պետություն ենք ու ինքներս ենք վարում մեր քաղաքականությունը»։
Մանրամասն՝ տեսանյութում
Դավիթ Լևոնյան
