«Հանրապետություն» կուսակցության
քաղխորհրդի անդամ Անահիտ Ադամյանի կարծիքով՝ Գյումրու ընտրությունների նշանակությունը պետք չէ ֆետիշացնել: Civic.am-ի հետ զրույցում
Ադամյանը կարծիք հայտնեց, որ Վարդան Ղուկասյանի հայտարարությունները պետք է անտեսել,
որովհետև նա ընդամենը Հայաստանի քաղաքներից մեկի քաղաքապետն է և ոչ Հայաստանի արտաքին
քաղաքականությունը որոշողը: «Վարդանղուկասյանները պարզապես Կրեմլի կողմից Հայաստանի
դեմ տարվող հիբրիդային պատերազմի զինվորիկներ են»,- նկատեց մեր զրուցակիցը։
Ադամյանի խոսքով՝ Ռուսաստանն
ու Ադրբեջանն այսօր Հայաստանի Հանրապետության դեմ հիբրիդային պատերազմ են վարում՝Հայաստանի
ինքնիշխանությունը նվազեցնելու և վերջնարդյունքում իրենց ենթարկեցնելու համար: «Իրավիճակը
պետք է հստակ ախտորոշենք, որ բուժենք։ Հանդուրժելո՞ւ ենք հինգերորդ շարասյան գոյությունը,
մեր ներսի տրոյական ձիերին»,- հարցադրում արեց մեր զրուցակիցը։
Խոսելով ՀՀ երրորդ նախագահ Սերժ Սարգսյանի վերջին ելույթի մասին՝
մեր զրուցակիցը նկատեց՝ դա ելույթ էր վերադարձի մասին։ Միևնույն ժամանակ Ադամյանն ասաց,
որ ՀՀԿ-ն դադարել է լինել այն կուսակցությունը, որը էական նշանակություն ուներ Հայաստանի
քաղաքական դաշտում Վազգեն Սարգսյանի օրոք։ Նրա խոսքով՝ անհրաժեշտ է գաղափարախոսության
փոփոխություն, ոչ թե կուսակցության անվան կամ լիդերի։
Մարիամ Գրիգորյան
Հարցազրույցն ամբողջությամբ՝ տեսանյութում
