Արված հայտարարությունը հանցագործության մասին հաղորդում
է։ Հրանտ Մարգարյանը փորձում է ձևավորել նոր «Հոկտեմբերի 27»-ի հանրային պահանջարկ։
«Միջազգային և անվտանգության հարցերի հայկական ինստիտուտի» ղեկավար, քաղաքագետ Ստյոպա
Սաֆարյանը այս կարծիքին է ՀՅԴ բյուրոյի նախկին անդամ Հրանտ Մարգարյանի՝ «Հոկտեմբերի
27-ի» ակտը «սրբության սրբոց» գնահատող հայտարարության մասին։
«Հրանտ Մարգարյանը ոչ թե ուղղակի հանկարծ հիշել
է, որ Դաշնակցությանը մեղադրում են առնչությունների մեջ, այլ փորձում է հասունացնել
նոր «Հոկտեմբերի 27»-ի անհրաժեշտություն՝ մանավանդ, որ իրենց բոլոր հնարավոր միջոցներով
ու դերակատարներով այս ընթացքում չի հաջողվել ի կատար ածել իրենց փափագը։ Հիշենք
2021-ի վաղ գարնանը տեղի ունեցած Գլխավոր շտաբի բունտը, «Հայրենիքի փրկության շարժման»
տարբեր վերսիաները, նաև Բագրատ Գալստանյանի կողմից Եկեղեցու ներգրավվածությունը»,-
ասաց Ստյոպա Սաֆարյանը։
Ըստ նրա՝ ոչ միայն իրավապահ համակարգը, այլև հասարակությունը
պետք է շատ խիստ գնահատական տան դաշնակցական և մերձդաշնակցական այդ գործողություններին
ու հայտարարություններին։ Սաֆարյանի կարծիքով՝ Հրանտ Մարգարյանը պետք է պատասխանատվության
ենթարկվի, որովհետև այս հայտարարությունները հակասահմանադրական են ու հանդիսանում են,
ըստ էության, պետության զավթման փորձ։
Մանրամասն՝ տեսանյութում
Վովա Հակոբյան
