Հելսինկյան քաղաքացիական ասամբլեայի Վանաձորի գրասենյակի ղեկավար,
իրավապաշտպան Արթուր Սաքունցի հետ քննարկել ենք ներքաղաքական վերջին զարգացումները։
Նա նշեց, որ առաջինը մի քանի հիմնարար սկզբունքներ մենք պետք է
հաշվի առնենք կամ ամրագրենք, որոնց հիման վրա տեղի ունեցող այս բոլոր երևույթները պետք է վերլուծության ենթարկել և գնահատել։
«Առաջինն
իհարկե այն է, որ եկեղեցին և պետությունը, եկեղեցին և կրթությունն իրարից պետք է լինեն
տարանջատ՝ որպես ինստիտուտներ։
Սա ենթադրում է, որ եկեղեցին քաղաքականությամբ զբաղվելու որևէ հավակնություն չպետք
է ունենա, որովհետև դա աշխարհիկ գործ է.
սա
հասարակ, սովորական
կազմակերպություն չէ, սա հոգևոր
ոլորտն է, որի ներկայացման կամ որի բնագավառում ծառայություն մատուցելու հանձնառությունը
եկեղեցին վերցրել է իրեն, ինչպես շատ-շատ այլ եկեղեցիներ։ Եվ այդ առումով անթույլատրելի
պետք է համարվի ցանկացած եկեղեցականի՝ քաղաքական
գործունեությամբ զբաղվելը, որովհետև չի կարելի հոգևոր ծառայության բնագավառում քաղաքական
քարոզչություն տանել»,- ասաց
Արթուր Սաքունցը։
Խոսելով նաև Սամվել Կարապետյանի
մասին՝ Արթուր Սաքունցն ասաց, որ հաջորդ խնդիրն է գալիս, որ այլ պետության քաղաքացին
ներքաղաքական այդ բանավեճի ժամանակ հանդես է գալիս որպես կողմ, ընդ որում՝ այնպիսի պետության, որն անթաքույց միջամտում է ՀՀ
ներքին քաղաքական գործընթացներին, և այդ քաղաքացին, որպես այդ պուտինյան ռեժիմի կարկառուն ներկայացուցիչ, հանդես
է գալիս ներքաղաքական հայտարարությամբ։
«Իմ համոզմամբ՝ միակ իրավական
ճանապարհը, որ կարող էր կիրառվել ՀՀ քաղաքական իշխանության կողմից, հայտարարել Սամվել
Կարապետյանին անթույլատրելի անձ և ժամկետ տալ՝ հեռանալու ՀՀ սահմաններից»,- ասաց Արթուր
Սաքունցը։
Մանրամասն՝ տեսանյութում
Լիլիթ Թադևոսյան
