Գարեգին Բ-ի նախկին գավազանակիր
Խորեն վարդապետ Հովհաննիսյանի հետ քննարկել ենք որոշ հոգևորականների պահվածքը, նրանց
ներգրավվածությունը ահաբեկչության և իշխանությունը բռնի կերպով զավթելու փորձին։
«Չխախտելով որևէ մեկի անմեղության
կանխավարկածը՝ պիտի ասեմ, որ քննչականի հրապարակած նյութերին ծանոթանալը բավարար է
կարծիք, գաղափար կազմելու համար, որ պատրաստվում էր տեռորիստական ակտ ընդդեմ ՀՀ-ի։
Փառք ու պատիվ մեր ուժայիններին, որ այդ ահասարսուռ ողբերգությունը, տեռորիստական ակտը
կանխել են: Ռոբերտ Քոչարյանը, Սերժ Սարգսյանը և Կտրիճ Ներսիսյանը Հայաստանում արդեն
երկու ռազմապետական արյունոտ հեղաշրջում են արել՝ «Հոկտեմբերի 27» և «Մարտի 1»։ Նրանք
հեղել են մեր՝ հայաստանցիներիս արյունը, և Կտրիճ Ներսիսյանը մեր՝ հայաստանցիներիս արյունով
օծել է Հեյդար Ալիևի երկու պարտկոմներին, և 20 տարի այդ կրիմինալ դիկտատուրայի ժամանակ
Հայաստանի ինքնիշխանությունը հանձնել են Ռուսաստանին, մեր ունեցած-չունեցած ամեն ինչը
հանձնել են և խթանել Հայաստանում արտագաղթը։ Եվ հիմա եկել է մի իրավիճակ, երբ այս եռագլուխ
հրեշից աթոռի, պաշտոնի վրա է միայն Կտրիճ Ներսիսյանը»,- ասաց հայր Խորենը։
Նրա խոսքով՝ Սերժ Սարգսյանն ու
Ռոբերտ Քոչարյանը Կրեմլի աչքում արդեն ապիկարներ են, չեն կարողանում Հայաստանն ամբողջությամբ
հանձնել, փռել իրենց ոտքերի տակ, և նրանք իրենց ամբողջ ուշադրությունը դարձրել են դեպի
Գարեգին Կտրիճ Ներսիսյանը։
Հայր Խորենը նշեց, որ այսօր պատրաստվում
էին երրորդ անգամ արյունահեղություն անել, հեղաշրջում անել և մեր՝ հայաստանցիներիս
արյունը հեղել ու մեր երկիրը հերթական անգամ փռել ռուսների ոտքերի տակ։
Մանրամասն՝ տեսանյութում
Լիլիթ Թադևոսյան
