Արվեստագետ Սասուն Քոսյանը կարծում է, որ հինգերորդ շարասյունը Հայաստանում անցել է ակտիվ գործի․ «Բազմաթիվ փորձեր արեցին քաղաքական ճանապարհով իրենց ազդեցությունը մեծացնելու, սակայն այդ ամենը չհաջողվեց, ուստի հիմա, ինչպես Սամվել Կարապետյանն էր ասում՝ այլ ձևերով են որոշել հաջողության հասնել»,-Civic.am-ի հետ զրույցում ընդգծեց նա՝ անդրադառնալով Հայաստանում հեղաշրջման փորձի կանխմանը։

Սասուն Քոսյանի դիտարկմամբ՝ բոլոր հայտարարություններից հետևում է, որ Ռուսաստանը դեռևս շահագրգռված է, որ այդ ուժերը հասնեն հաղթանակի ու իշխանություն վերցնեն․ «Դժվար է ասել, որ Հայաստանն այժմ միանշանակ դեպի արևմուտք է գնում, բայց նույնիսկ Նիկոլ Փաշինյանի հայտարարած հավասարակշռման քաղաքականությունն է Ռուսաստանին մղում այդ քայլերի։ Փորձում են ամեն ինչ անել, որ դա տեղի չունենա, գործողությունները թելերով տանում են դեպի Ռուսաստան»,-նկատեց նա։

Մեր զրուցակցի խոսքերով՝ Հայաստանի ԱԳ նախարարը բավականին կտրուկ հայտարարութուն է արել՝ ի պատասխան Լավրովի միջամտության․ «Չեմ հիշում ՀՀ անկախության տարիներին, երբ մի ԱԳ նախարար կամ վարչապետ ու նախագահ այդպիսի կտրուկ հայտարարություն անեն Ռուսաստանի հասցեին։ Լինելով դիվանագետ և հաշվի առնելով, թե ինչ միջոցառման շրջանակներում է անում, հստակ է, որ այն ունի արտաքին քաղաքականության հստակ դիմադրության ուղերձ»։

Սասուն Քոսյանը նշում է՝ Ֆրանսիայի նախագահ Մակրոնը շատ լավ հասկանում է ինչ է տեղի ունենում Հայաստանոււմ․ «Հասկանում է, որ սա պարզ արտաքին միջամտության ձև է, որին Հայաստանը դիմադրում է։ Մենք, իհարկե, չգիտենք նրա և Փաշինյանի խոսացկության մանրամանսերը, բայց նա չէր կարող չիմանալ, թե ինչ է տեղի ունենում։ Եվրոպական երկրները  երբեք չեն խրախուսել բռնության  գործելաոճը։ Դա խորթ է եվրոպական արժեքներին»։

Արվեստագետը գտնում է, որ Փաշինյանի կողմից ՝ կուսակրոնության մասին խոսելն ընդամենը պատրվակ է․ «Իրական պատճառը ռուսական արտաքին կոպիտ միջամտությունն է։ Մեր իշխանությունները ցույց են տալիս, որ ամեն կերպ դիմադրելու են դրան»։

Հարցազրույցն ամբողջությամբ՝ տեսանյութում

Մարիամ Գրիգորյան