Ազատամարտիկ, «Կոռնիձոր» ջոկատի հրամանատար Արա Խուդավերդյանի հետ զրուցել ենք ներքաղաքական վերջին իրադարձությունների, սառեցված և գործող արքեպիսկոպոսների և ռուսաստանցի օլիգարխ Սամվել Կարապետյանի կալանավորման և հնարավոր զարգացումների մասին։
Նա նշեց, որ պետության կողմից
այդ քայլը ողջունում է, քանի որ մենք, որպես Հայաստանի Հանրապետություն, պետություն,
ունենք մեր տարածքային ամբողջականությունը, մեր սահմանը, ունենք մեր ԶՈՒ-ն, ունենք
մեր ՆԳՆ-ն, դատական համակարգը և պետությանը վայել բոլոր պետական ատրիբուտները, իսկ
ՀՀ ներսում գործող ամեն մի պետական և ոչ պետական կազմակերպություն պատկանում է ՀՀ-ին:
Իսկ այս կամ այն երկրի օլիգարխները, անկախ իրենց ծննդավայրից կամ «յան» ազգանունից,
եթե ունեն սեփականություն ՀՀ-ում, չի նշանակում, որ երկիրն իրենց գրպանում է կամ «պիստոնչիկում»։
«Նրանք պարտավոր են հաշվետու լինելու Հայաստանի Հանրապետության առաջ, կառավարության առաջ և ֆինանսապես իրենց պարտավորությունները կատարել։
Սամվել Կարապետյանը, որը ներմուծվեց Ռուսաստանից Հայաստանի Հանրապետություն,
ոչ թե լավ միտումներով էր, այլ ՀՀ-ին ծնկի բերելու, ծայրագավառի հասցնելու աստիճանի,
դուբլ-1, որին օժանդակող և լրացուցիչ ուժեր համադրողը պետք է լիներ եկեղեցին՝ ի դեմս
Կտրիճ Ներսիսյանի։ ՀՀ-ն ավելորդ ոչ մի ոտնձգություն չի կատարել ո՛չ հոգևոր դասի ներկայացուցիչների,
ո՛չ Ռուսաստանի օլիգարխ Սամվել Կարապետյանի հանդեպ։ ՀՀ-ն ցույց տվեց, որպես անկախ պետություն,
իր ներսում իր օրենքներին համահունչ իրավական գործունեություն և մարդկանց մեկուսացրեց՝
ապահովելով նաև նրանց ֆիզիկական անվտանգությունը։ Այսինքն՝ չլիկվիդացրեց, ինչպես օրերս
Մոսկվայում ադրբեջանցիներին լիկվիդացրին ռուսական հատուկ ծառայությունները»,- նշեց
Արա Խուդավերդյանը։
Մանրամասն՝ տեսանյութում
Լիլիթ Թադևոսյան