Իսրայելի վարչապետ Բենիամին Նեթանյահուն հայտարարել է, որ Պաղեստին պետությունը ճանաչելու Ֆրանսիայի որոշումը «պարգևատրում է ահաբեկչությանը», իսկ ԱԳՆ ղեկավար Գիդեոն Սաարը նշել է, որ նման պետությունը «կդառնա ՀԱՄԱՍ-ի պետություն»։

Նեթանյահուն դատապարտել է Ֆրանսիայի նախագահ Էմանուել Մակրոնի որոշումը՝ «ճանաչել Պաղեստին պետությունը Թել Ավիվի կողքին հոկտեմբերի 7-ի կոտորածից հետո»։ «Նման քայլը պարգևատրում է ահաբեկչությանը և սպառնում է ևս մեկ իրանական սատելիտի ստեղծմամբ, ինչպիսին դարձել է Գազան։ Պաղեստին պետությունը ներկայիս պայմաններում կդառնա Իսրայելի ոչնչացման պլացդարմ, այլ ոչ թե նրա հետ խաղաղ գոյակցության համար։ Եկեք պարզ լինենք. պաղեստինցիները ձգտում են ոչ թե պետության Իսրայելի կողքին, այլ պետության՝ Իսրայելի փոխարեն»,- գրել է Նեթանյահուն։

Մակրոնի հայտարարությունից գրեթե անմիջապես հետո նրան քննադատել է Իսրայելի ԱԳՆ ղեկավար Գիդեոն Սաարը, որը Ֆրանսիայի նախագահի՝ պետություն ստեղծելու հավակնությունները անվանել է «պատրանքային»։