Քաղաքագետ, ՔԺԿ նախագահ Լևոն Շիրինյանի
կարծիքով՝ Վաշինգտոնում սպասվող հանդիպումը ևս մեկ անգամ վկայում է՝ Ռուսաստանը դուրս
է մնում Հարավային Կովկասից։ Շիրինյանը կարծում է, որ, այսպես կոչված, «ընդդիմությանը»
այդ փաստը շատ է անհանգստացնում: «Այսօր սուգը կանեն,
վաղը՝ 7-ը, մի քանի օրից՝ Ռուսաստանի ու իրենց ներկայության քառասունքը»,- Civic.am-ի
հետ զրույցում ասաց նա։
Քաղաքագետի դիտարկմամբ՝ բացարձակ տգիտություն է նաև այն քարոզը, թե ԱՄՆ-ն Ֆրանսիային
ու Եվրամիությանն այս գործընթացից դուրս է թողնում: «Մի քանի օր առաջ վարչապետը Ֆրանսիա
էր գնացել, չեմ կասկածում, որ գործընթացը Մակրոնի հետ համաձայնեցված է: Ռուբիոն էլ
խոսեց Ֆրանսիայի ԱԳ նախարարի հետ։ Հետևաբար ամեն դետալ քննել են։ Իսկ այդ քարոզը տգիտություն
է, չեկիստի ուղեղ»,- նկատեց նա։
Շիրինյանի խոսքով՝ Ադրբեջանը «քցել է»
Ռուսաստանին, և ի տարբերություն ՀՀ վարչապետի՝ Ալիևին տարել են ԱՄՆ, այլ տարբերակ չուներ:
«Կարող է այնտեղ «կապրիզներ» անել, բայց իր գործն է, այդ կապրիզներն արդեն ԱՄՆ-ի հետ
են։ Ալիևը հայ ժողովրդին «քցած» Պուտինին քցել է։ Ռուսաստանն Ադրբեջանի ձեռքով մեր
ազգային պոտենցիալն է ոչնչացրել ու դիմացը ստացել է մի «մոնստր»»,- ասաց քաղաքագետը։
Մեր զրուցակցի դիտարկմամբ՝ Ռուսաստանն այժմ ճար չունի, մոբիլիզացրել է ուզուրպատոր
Կաթողիկոսին. «Տեսանք ինչ տեսակ հայ եք, ոչ մեկդ իրավասություն չունեք թելադրելու։
Ռուսաստանը մոբիլիզացրել է աղբանոցը, նաև մոսկովյանը՝ Մարգարիտա Սիմոնյան, Արա Աբրահամյան։
Բայց նրանք հայության հետ ի՞նչ կապ ունեն։ Մարգարիտա Սիմոնյանը հայերեն նույնիսկ չգիտի»։
Մարիամ Գրիգորյան
Հարցազրույցն ամբողջությամբ՝ տեսանյութում
