Չեխիայում բնակվող քաղաքական
վերլուծաբան, տնտեսագետ Բագրատ Առաքելյանի հետ զրուցել ենք վաշինգտոնյան համաձայնագրի
և դրա շուրջ ծավալվող քննարկումների մասին։
«Կան, իհարկե, որոշակի պահեր,
որ ցանկալի կլիներ ներառված լինեին այդ համաձայնագրի մեջ, բայց այնուամենայնիվ դժվար
է թերագնահատել այդ համաձայնագրի կարևորությունը և դրական ազդեցությունն այն գործընթացների
վրա, որոնք տեղի են ունենում ոչ միայն Հայաստանում, այլև ընդհանրապես մեր ռեգիոնում։
Եվ բնականաբար միայն դրական արձագանք կարող է լինել, քանի որ առաջին հերթին այդ համաձայնագիրն
ավելի է վստահեցնում այն թեզը, որ համենայնդեպս մոտակա շրջանում պատերազմ Հայաստանում
տեղի չի ունենա, և մեր ժողովուրդը պաշտպանված կլինի, մեր երեխաները սահմանում չեն զոհվի,
և դրանից բացի, բնականաբար, Հայաստանը կստանա նոր հնարավորություններ և՛ տնտեսական,
և՛ քաղաքական տեսակետից»,- ասաց Բագրատ Առաքելյանը։
Խոսելով նաև այն մասին, որ ՀՀԿ փոխնախագահ Արմեն
Աշոտյանը և ՀՅԴ Գերագույն մարմնի ներկայացուցիչ Իշխան Սաղաթելյանը հայտարարել են, որ
իրենց իշխանության գալու կամ իշխանության մաս կազմելու դեպքում հրաժարվելու են Խաղաղության համաձայնագրից, մեր
զրուցակիցն ասաց, որ եթե իրենք բանտ չնստեն և իրենց թալանածը չվերադարձնեն, ապա եթե
գան իշխանության, ոմանք ասում են՝ կչեղարկեն, ոմանք ասում են՝ ինչ-որ կետեր են չեղարկելու,
նոր կետեր են մտցնելու, և իր մեջ հարց է առաջանում, թե նրանք ինչ են առաջարկում։
«Դուք ունե՞ք էդ հարցի լուծումը,
ինչ-որ ալտերնատիվ լուծում ունե՞ք։ Ի՞նչ է, էդ միջա՞նցքն եք տրամադրելու Ռուսաստանին,
ՖՍԲ-ն եք բերելու դարձյալ Հայաստա՞ն, որ ՖՍԲ-ի աշխատակիցները որոշեն, թե Հայաստանի
տարածքով ով իրավունք ունի գնալու-գալու, ով իրավունք չունի՞։ Դա՞ է ձեր նպատակը, դուք
ինչի՞ մասին եք ընդհանրապես խոսում»,- նշեց Բագրատ Առաքելյանը։
Մանրամասն՝ տեսանյութում
Լիլիթ Թադևոսյան
