«Հանուն հանրապետության» կուսակցության փոխնախագահ
Ռուբեն Մեհրաբյանը պնդում է՝ նոր օրենք է պետք մշակել ՀՀ քաղաքական դաշտում մաքրություն
անելու համար։
«Ներկայումս Ռուսաստանի կողմից Հայաստանում իրականացվում
է ինստիտուցիոնալ սաբոտաժ այս համաձայնությունների դեմ, որոնք պատմական նշանակություն
ունեն ու իրականություն են դարձել Վաշինգտոնում։ Խոսք է գնում այդ սաբոտաժի գործիքները
չեզոքացնելու մասին։ Բոլորը կապ ունեն մի բանի հետ՝ ռուսական ազդեցությունը Հայաստանում։
Ռուսական ցանկացած ներկայության տարր Հայաստանում սաբոտաժի էլեմենտ է»,- ասաց Մեհրաբյանը։
Եթե պրոռուսական ընդդիմությունը գա իշխանության
ու դենոնսացնի վաշինգտոնյան համաձայնագրերը, Մեհրաբյանի վստահեցմամբ, դա կլինի գերեզմանաքար
Հայաստանի վրա։ Բայց պետությունը դա պետք է թույլ չտա, ու չպետք է մեղքը դնել ժողովրդի
վրա։ «Հայաստանը պռախադնոյ դվո՞ռ է ցանկացած երկրի ագենտների համար։ Այսինքն՝ ցանկացած
երկիր կարող է գալ, Հայաստանում ինչ ուզի՝ բացի, ինչ գաղափար ուզի՝ սնուցի և կապի պետության
գլխին, ասի՝ դեմոկրատիա է, լավ եմ անո՞ւմ։ Ռոսսատռուդնիչեստվան ինչի՞ եք պահում։ Գիտեք,
որ վեռբովաչնի բազա է։ Ռուսսկի դոմը ինչի՞ եք պահում։ Չգիտե՞ք ինչով են զբաղվում»,-
ասաց Մեհրաբյանը։
Վերջինս նշեց նաև, որ կողմ է նոր Սահմանադրության
ընդունմանը, պետության նորովի վերահիմնադրման կողմնակից է։
«Հիմա ոչ կոնֆլիկտային իրողություն է ձևավորվում
մեր շուրջը։ Առաջ բոլոր փաստաթղթերը կոնֆլիկտի
ծնունդ էին, իսկ Հայաստանի Հանրապետությունը 1991-ին անկախացած՝ էլի ծնունդ էր կոնֆլիկտի,
Անկախության հռչակագիրը ծնունդ էր կոնֆլիկտի, և այդ ամենը ստեղծված էր կոնֆլիկտում։
Համարում էինք, որ այդ կոնֆլիկտը տեսանելի ապագայում չի վերջանալու։ Եվ հիմա հիմք ենք
դրել խաղաղության, որը դեռ պետք է կառուցվի»,- ասաց Մեհրաբյանը։
Մանրամասն՝ տեսանյութում
Վոլոդյա Հակոբյան
