Միջազգային և անվտանգության հարցերի հայկական ինստիտուտի
ղեկավար Ստյոպա Սաֆարյանը, անդրադառնալով Բելառուսի կողմից Ղարաբաղյան երկրորդ պատերազմի
նախօրեին Ադրբեջանին վաճառած զենքերի մասին արտահոսած փաստաթղթերին, նշեց, որ ակնհայտորեն
Բելառուսը դավաճանել է ՀԱՊԿ-ի իր դաշնակցին, որն արդեն փաստաթղթավորված է և ապացուցված։
Բայց արդյոք Բելառուսը, Լուկաշենկոն սա կարո՞ղ էր
ինքնուրույն անել՝ առանց ռուսական գիտության։ Ըստ նրա՝ Բելառուսի նախագահը սա արել
է Պուտինի գիտությամբ կամ հրահանգով։
Սաֆարյանը նաև նկատեց. «Երկրի կաթողիկոսը, որը կուրծք
է ծեծում Արցախի համար, Ամանորյա ուղերձում խցկում է քաղաքական տեքստեր, Հայաստանին
պարտադրում է օրակարգում դնել արցախահայերի վերադարձի խնդիր, մոռացե՞լ է նաև՝ ով է
բերել այն վիճակին, որ արցախահայերն այսօր ունեն Արցախ վերադարձի խնդիր։ Բա ինչպե՞ս
է լինում, որ Արցախի մասին մտածող հոգևորականը հանկարծ թքած է ունենում այդ հետևանքը
հարուցած երկրի նկատմամբ և՛ սեփական հոտի, և՛ սեփական երկրի իշխանությունների դիրքորոշումներն
անտեսելով՝ գնում է այդ երկիր։ Բացատրեք ինձ։ Քանիցս ասել եմ՝ ինչպես իշխանությունները
չեն կարող իրական պատճառն ասել, այնպես էլ կաթողիկսոը չի կարող ազնվորեն ասել, թե ինչի
է առաջացել այս վեճը։ Չի կարող ասել, որ ինձ սրա համար է պատժում ժողովուրդը՝ քանի
որ ես Պուտինի ասածը արել եմ։ Սա արվել է նրա համար, որ սառույցը կոտրվի։ Գարեգին Բ-ին
խնդրել են այդ այցը կատարել, որ հայկական իրականության մեջ Բելառուս չգնալու կոնսենսուսը
ջարդվի»,- ասաց Ստյոպա Սաֆարյանը։
Մանրամասն՝ տեսանյութում
Վովա Հակոբյան
