Հրապարակախոս Վահրամ Աթանեսյանի կարծիքով՝ տպավորություն է, որ հայկական լրատվամիջոցները ավելի հաճույքով են Ալիևին մեջբերում, քան նույնիսկ Բաքվի մամուլը․ «Ադրբեջանում խնդիր ունեն համոզել  իրենց հանրությանը, որ այն ճանապարհը, որն ընտրել է Իլհամ Ալիևը՝ արդարացի է և համապատասխանում է բոլոր այն քարոզչություններին, որն ինքը վերջին առնվազն  տարիներին ծավալել է իր երկրում։ Մենք ստեղծում ենք արհեստական կազուսներ ու դրա շուրջ սկսում երևակայական դատողություններ անել»,-Civic.am-ի հետ զրույցում ասաց նա։

Աթանեսյանի դիտարկմամբ՝ ընդդիմության արձագանքները ոչ միայն տրամաբանության, այլ բանականության սահմաններից են դուրս գալիս․ «Ես կարդացի մի տեսակետ, որ հարևանների հետ հարաբերությունները պետք է կարգավորել, բայց ոչ հազարավոր կիլոմետրերի վրա գտնվող երկրի միջնորդությամբ։ Խոսքը Միացյալ Նահանգների մասին է, իսկ իրենք մոռանում են, որ Ռուսաստանն էլ է հազարավոր կիլոմետրեր հեռու, մեր հետ այլ երկրներով միջնորդավորված՝ կամ Վրաստանով, կամ Ադրբեջանով»,-նկատեց նա։

Մեր զրուցակիցը հիշեցնում է, որ որոշ ուժեր 2020 թվականի նոյեմբերի տասին Ստեփանակերտում պահանջում էին Արայիկ Հարությունյանի հրաժարականը․ «Ինչու՞, որպեսզի իրականություն չդառնա նոյեմբերի 9-ի համաձայնագիրը։ Նրանք Արցախում ամեն ինչ արել են, որպեսզի այդ պայմանավորվածությունները, շատ փխրուն ստատուս քվոն խախտվի»։

Վահրամ Աթանեսյանի դիտարկմամբ՝ որևէ կողմից նոյեմբերի 9-ի փաստաթղթից ստորագրություն հետ չի կանչվել, բայց ռեալ քաղաքականության ռեժիմում առկա իրողությունն իհարկե տարբերվում է ․ «Ինչու՞ չպետք է ասենք, որ  օգոստոսի 8-ը փակել է նոյեմբերի 9-ի էջը, հետագա զարգացումներն ինչպես պետք է լինեն, մեր փորձագիտական միտքը պետք է դրան ուղղված լինի»,-եզրափակեց նա։

Հարցազրույցն ամբողջությամբ՝ տեսանյութում

Մարիամ Գրիգորյան