ԱՄՆ-ն չի ճանաչում Արցախի նախագահական ընտրությունների արդյունքները
Քաղաքականություն
Միացյալ Նահանգները չի ճանաչում Արցախի նախագահական ընտրությունների արդյունքները։ Այդ մասին սեպտեմբերի 11-ին կայացած ճեպազրույցի ժամանակ հայտարարել է ԱՄՆ պետքարտուղարության խոսնակ Մեթյու Միլլերը։
«Թեև կարևոր է, որ Լեռնային Ղարաբաղն ունենա վստահելի ներկայացուցիչներ այս գործընթացի (երկխոսության – խմբ․) համար, բայց ինչպես նախկինում ենք ասել, մենք չենք ճանաչում Լեռնային Ղարաբաղը որպես անկախ և ինքնիշխան պետություն, և հետևաբար, չենք ճանաչում այդ, այսպես կոչված, նախագահական ընտրությունների արդյունքները, որոնք տեղի են ունեցել վերջին օրերին»,- ասել է նա։
Միլլերի խոսքով՝ Միացյալ Նահանգները կշարունակի աջակցել Հայաստանի և Ադրբեջանի ջանքերին` լուծելու առկա խնդիրները ուղիղ երկխոսության միջոցով։
«Մենք խորապես մտահոգված ենք Լեռնային Ղարաբաղում արագորեն վատթարացող հումանիտար իրավիճակով։ Կրկնում ենք մեր կոչը՝ Լաչինի և Աղդամի երթուղիները անհապաղ և միաժամանակ պետք է բացվեն՝ թույլ տալու մարդասիրական մատակարարումների մուտքը Լեռնային Ղարաբաղ։ Մենք կոչ ենք անում ղեկավարներին չձեռնարկել որևէ գործողություն, որը մեծացնում է լարվածությունը կամ շեղում այդ նպատակից»,- նշել է պետքարտուղարության խոսնակը։
Մեթյու Միլլերը խոսել է նաև սեպտեմբերի 11-20-ը Հայաստանում անցկացվող հայ-ամերիկյան զորավարժությունների և դրան հետևած ռուսական արձագանքների մասին․ «Մենք պարբերաբար մարզվում ենք մեր գործընկերների հետ համատեղ՝ պատրաստականությունը պահպանելու համար, և մենք շարունակաբար բարելավում ենք մեր զինված ուժերի փոխգործունակությունը։ Կարծում եմ՝ հաշվի առնելով, որ Ռուսաստանը վերջին տարիներին ներխուժել է իր երկու հարևանների տարածք, նա պետք է ձեռնպահ մնա տարածաշրջանի երկրներին անվտանգության միջոցառումների մասին դասախոսություններից»։
«Թեև կարևոր է, որ Լեռնային Ղարաբաղն ունենա վստահելի ներկայացուցիչներ այս գործընթացի (երկխոսության – խմբ․) համար, բայց ինչպես նախկինում ենք ասել, մենք չենք ճանաչում Լեռնային Ղարաբաղը որպես անկախ և ինքնիշխան պետություն, և հետևաբար, չենք ճանաչում այդ, այսպես կոչված, նախագահական ընտրությունների արդյունքները, որոնք տեղի են ունեցել վերջին օրերին»,- ասել է նա։
Միլլերի խոսքով՝ Միացյալ Նահանգները կշարունակի աջակցել Հայաստանի և Ադրբեջանի ջանքերին` լուծելու առկա խնդիրները ուղիղ երկխոսության միջոցով։
«Մենք խորապես մտահոգված ենք Լեռնային Ղարաբաղում արագորեն վատթարացող հումանիտար իրավիճակով։ Կրկնում ենք մեր կոչը՝ Լաչինի և Աղդամի երթուղիները անհապաղ և միաժամանակ պետք է բացվեն՝ թույլ տալու մարդասիրական մատակարարումների մուտքը Լեռնային Ղարաբաղ։ Մենք կոչ ենք անում ղեկավարներին չձեռնարկել որևէ գործողություն, որը մեծացնում է լարվածությունը կամ շեղում այդ նպատակից»,- նշել է պետքարտուղարության խոսնակը։
Մեթյու Միլլերը խոսել է նաև սեպտեմբերի 11-20-ը Հայաստանում անցկացվող հայ-ամերիկյան զորավարժությունների և դրան հետևած ռուսական արձագանքների մասին․ «Մենք պարբերաբար մարզվում ենք մեր գործընկերների հետ համատեղ՝ պատրաստականությունը պահպանելու համար, և մենք շարունակաբար բարելավում ենք մեր զինված ուժերի փոխգործունակությունը։ Կարծում եմ՝ հաշվի առնելով, որ Ռուսաստանը վերջին տարիներին ներխուժել է իր երկու հարևանների տարածք, նա պետք է ձեռնպահ մնա տարածաշրջանի երկրներին անվտանգության միջոցառումների մասին դասախոսություններից»։
Կարդացեք նաև
12 սեպտեմբեր 2023, 11:03
Վաշինգտոնը վերահաստատում է Լաչինի և Աղդամի երթուղիների անհապաղ և միաժամանակյա բացման կոչը
10 սեպտեմբեր 2023, 16:45
Կրկնում ենք մեր կոչը՝ անհապաղ և միաժամանակ բացել երկու՝ Լաչինի և Աղդամի միջանցքները. ԱՄՆ պետքարտուղարություն
31 օգոստոս 2023, 20:40
ԱՄՆ-ը խորապես մտահոգված է Լեռնային Ղարաբաղում վատթարացող հումանիտար իրավիճակով. Մեթյու Միլլեր
6 սեպտեմբեր 2023, 11:12
ԱՄՆ-ը շարունակում է կոչ անել անհապաղ վերաբացել Լաչինի միջանցքը
26 հունվար 2023, 11:19
ԱՄՆ-ին շարունակում է մտահոգել Լեռնային Ղարաբաղում հումանիտար իրավիճակի վատթարացումը
8 սեպտեմբեր 2023, 14:44
ԱՄՆ Պետդեպը կոչ է արել «միաժամանակ և անհապաղ բացել Լաչինը ու մյուս երթուղիները». Բլինքենի տեղակալը հեռախոսազրույց է ունեցել Արարատ Միրզոյանի և Բայրամովի հետ