Արմավիրի մարզպետ Էդվարդ Հովհաննիսյանը ևս ազատվեց զբաղեցրած պաշտոնից

Այսօր վարչապետ Նիկոլ Փաշինյանն այցելել էր Արմավիրի մարզ՝ հետևելու պետական ծրագրերով իրականցվող շինարարական աշխատանքերի կատարմանը։

Ավելի ուշ հայտնի դարձավ, որ ՀՀ վարչապետ Նիկոլ Փաշինյանը որոշում է ստորագրել, ըստ որի՝ Արմավիրի մարզպետ Էդվարդ Հովհաննիսյանն ազատվել է պաշտոնից: 

«Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով, «Տարածքային կառավարման մասին» օրենքի 6-րդ հոդվածի 1-ին մասով և 5-րդ մասի 5-րդ կետով՝ Հայաստանի Հանրապետության կառավարությունը ո ր ո շ ո ւ մ է. Էդվարդ Հովհաննիսյանին ազատել Հայաստանի Հանրապետության Արմավիրի մարզպետի պաշտոնից»,- ասված է որոշման մեջ:  

Հիշեցնենք, որ օրերս Լոռու մարզ վարչապետի կատարած այցի արդյունքում պաշտոնից հեռացվեցին Լոռու մարզպետ Արամ Խաչատրյանն ու ՀՀ քաղաքաշինության կոմիտեի նախագահ Արմեն Ղուլարյանը։