Ուկրաինայում պատերազմի հետևանքով զոհվել են հայազգի 3 զինվորական և 7 քաղաքացիական անձ. Ուկրաինայի հայերի միությունը առաջիկայում զոհերի վերաբերյալ մանրամասներ կհաղորդի
Հասարակություն
Ռուս-ուկրաինական պատերազմի ընթացքում ազգությամբ հայ 10 մարդ է զոհվել, որոնցից 3-ը զինվորական են, մնացած 7-ը՝ քաղաքացիական անձինք։ Տեղեկությունը Civic.am-ին հայտնեց Ուկրաինայի հայերի միության փոխնախագահ Դավիթ Մկրտչյանը։ Նա նշեց, որ առաջիկայում հայտարարությամբ հանդես կգան և կհայտնեն զոհերի վերաբերյալ տվյալներ՝ անուն-ազգանուն, տարիք, ինչպես նաև այն բնակավայրերը, որտեղ զոհվել են։
Նշենք, որ ԶԼՄ-ները հաղորդել են Ուկրաինայում զոհված հայազգի երեք քաղաքացիների անձնական տվյալները՝ Վահիկ Սողոմոնյան, որը զոհվել էր Խերսոնում, Վահե Մամիկոնյան, որի զոհվելու մասին հանգամանքները դեռևս պարզված չեն (նրա լուսանկարը և զոհվելու մասին լուրը սոցցանցերում էր տարածվել), և Դավիթ Հարությունյան։ Վերջինս զոհվել է մարտի 1-ին, Ուկրաինայում ՌԴ հատուկ գործողության ժամանակ։ Զոհված զինծառայողը ծնվել էր 2003 թվականի մարտի 8-ին Կյախտայում։
Կիևում ապրող հայ վերլուծաբան Մարատ Հակոբյանի փոխանցմամբ էլ՝ զոհվածները Չոնգար, Խերսոն, Մարիուպոլ, Խարկով, Կրիվոյ Ռոգ, Կիևի մարզի Իրպեն շրջաններից են։ Վերլուծաբանի տեղեկություններով՝ մահվան պատճառը ավիահարվածներն ու գնդակոծություններն են։
Նշենք, որ ԶԼՄ-ները հաղորդել են Ուկրաինայում զոհված հայազգի երեք քաղաքացիների անձնական տվյալները՝ Վահիկ Սողոմոնյան, որը զոհվել էր Խերսոնում, Վահե Մամիկոնյան, որի զոհվելու մասին հանգամանքները դեռևս պարզված չեն (նրա լուսանկարը և զոհվելու մասին լուրը սոցցանցերում էր տարածվել), և Դավիթ Հարությունյան։ Վերջինս զոհվել է մարտի 1-ին, Ուկրաինայում ՌԴ հատուկ գործողության ժամանակ։ Զոհված զինծառայողը ծնվել էր 2003 թվականի մարտի 8-ին Կյախտայում։
Կիևում ապրող հայ վերլուծաբան Մարատ Հակոբյանի փոխանցմամբ էլ՝ զոհվածները Չոնգար, Խերսոն, Մարիուպոլ, Խարկով, Կրիվոյ Ռոգ, Կիևի մարզի Իրպեն շրջաններից են։ Վերլուծաբանի տեղեկություններով՝ մահվան պատճառը ավիահարվածներն ու գնդակոծություններն են։