Իսրայելի նախագահ Իցհակ Հերցոգը, մեկնաբանելով Պաղեստինի
պետության ճանաչումը Կանադայի, Ավստրալիայի և Մեծ Բրիտանիայի կողմից, այն անվանել
է «տխուր օր բոլոր նրանց համար, ովքեր փնտրում են իրական խաղաղություն»։
Սեպտեմբերի 21-ին Պաղեստինի պետությունը ճանաչելու մասին հայտարարել
էին Մեծ Բրիտանիայի, Կանադայի և Ավստրալիայի իշխանությունները։ Նրանց է միացել նաև
Պորտուգալիան:
«Պաղեստինի պետության ճանաչումը Պորտուգալիայի արտաքին
քաղաքականության հիմնարար, անփոփոխ և հիմնական գծի իրագործումն է: Պորտուգալիան հանդես
է գալիս հօգուտ երկու պետությունների ստեղծման՝ որպես միակ ուղի դեպի արդար և
երկարատև խաղաղություն»։
Այս մասին Նյու Յորքում ՄԱԿ-ի՝ Պորտուգալիայի մշտական ներկայացուցչության կենտրոնակայանում լրագրողներին ասել է Պորտուգալիայի ԱԳՆ ղեկավար Պաուլու Ռանժելը։
«Դա չի օգնի ոչ մի պաղեստինցու, չի օգնի ազատել ոչ մի պատանդի
և չի օգնի մեզ հասնելու համաձայնության իսրայելցիների և պաղեստինցիների միջև։ Դա
միայն կխրախուսի խավարի ուժերին»,- գրել է Իսրայելի նախագահը X սոցիալական ցանցում
կիրակի՝ սեպտեմբերի 21-ին։
