Ռուսական նավթի մատակարարումները Թուրքիա սեպտեմբերին նվազել են՝ հասնելով ապրիլից ի վեր ամենացածր մակարդակին, հաղորդում է Reuters-ը՝ հղում անելով թրեյդերներին:.

LSEG-ի տեղեկություններով՝ Urals ապրանքանիշի նավթի ներմուծումը այս ամիս կարող է կազմել մոտավորապես 1.2 միլիոն տոննա՝ հունիսին գրանցված մոտ 1.6 միլիոն տոննայի համեմատ։

Նվազումը բացատրում են այլ տեսակի նավթի մրցակցությամբ, պատժամիջոցների ճնշմամբ և քաղաքական գործոններով։

Չնայած մատակարարման կրճատմանը՝ Ռուսաստանի նախագահի մամուլի քարտուղար Դմիտրի Պեսկովը վստահություն էր հայտնել, որ Անկարան կշարունակի Ռուսաստանի հետ իր շահավետ առևտրատնտեսական համագործակցությունը որոշակի ոլորտներում։