Թբիլիսիում ՏԻՄ ընտրությունների դեմ զանգվածային բողոքի ակցիաները շարունակվում են: Քվեարկությունը դեռ չավարտված՝ ցուցարարներն ամբողջությամբ փակել են Ռուսթավելու պողոտան և հարակից Ազատության հրապարակը:
Բողոքի ակցիայի մասնակիցները ներխուժել են Վրաստանի նախագահի նստավայր:
Այնուհետև ոստիկանությունը ջրցան մեքենաներ և այլ միջոցներ է կիրառել Վրաստանի նախագահի վարչակազմի շենք ներխուժելու փորձ կատարած ցուցարարների դեմ։
Ցուցարարների ցրումից առաջ Վրաստանի Ներքին գործերի նախարարությունը հայտարարություն էր տարածել՝ նշելով, որ ներկայիս գործողությունը դուրս է գալիս հավաքների և ցույցերի մասին օրենքով սահմանված նորմերից։
