«Առաջարկում եմ Եվրամիությունում ստեղծել
միասնական մարմին անհետ կորած անձանց հարցերով»: Այս մասին հայտարարել է նախկին
պատգամավոր և Մեծ Բրիտանիայի Համայնքների պալատի նախկին անդամ Ռահման Չիշտին
միջազգային համաժողովի ժամանակ՝ «Անհետ կորած անձանց խնդիրների լուծման համար
ջանքերի միավորում և համագործակցության ընդլայնում» թեմայով։
«Եթե ցանկացած անձի նկատմամբ մարդու իրավունքների
լուրջ խախտում է տեղի ունենում, ինչո՞ւ չկիրառել պատժամիջոցներ։ Տեղեկատվություն
չտրամադրելը նույնպես միջազգային իրավունքի խախտում է։ Այս խնդրի լուծումը չպետք է
սահմանափակվի միայն որոշումների ընդունումով և կոնվենցիաներով»,- նշել է նա։
Ռահման Չիշտին նաև կարծում է, որ
յուրաքանչյուր երկիր պետք է ունենա անհետ կորած անձանց հարցերով հատուկ
ներկայացուցիչ. «Անհետ կորած անձանց որոնումը, ապացույցների ու փաստերի բացահայտումը կարևոր դեր
ունեն հակամարտությունների լուծման համար: Հետևաբար հասարակություններն ու
համայնքները պետք է համատեղ քայլեր ձեռնարկեն անցյալի սխալները շտկելու և
ապագայում դրանց կրկնությունը կանխելու ուղղությամբ: Անհետ կորած անձանց որոնումը
և հայտնաբերումը կարևոր գործոն են հաշտեցման հասնելու և ավելի խորքային հարցեր
լուծելու համար»:
