Միացյալ Նահանգները գուցե «ներկայացում է խաղում»
Ռուսաստանի և Ուկրաինայի միջև պատերազմի վերաբերյալ, հայտարարել է Բելառուսի նախագահ
Ալեքսանդր Լուկաշենկոն։
«Շատ եմ վախենում, որ ուկրաինական հակամարտության
հարցով Ռուսաստանի վերաբերյալ ամերիկյան դիրքորոշումը նույն ներկայացումն է»,- հայտարարել
է Բելառուսի նախագահը Եվրասիական անվտանգության հարցերով Մինսկի III միջազգային համաժողովում։
Լուկաշենկոն նաև մեկնաբանել է ԱՄՆ նախագահ Դոնալդ
Թրամփի հայտարարությունները, թե ինքը վերջ է դրել ութ պատերազմների։
«Վերջին ժամանակներս հաջողվել է հանգուցալուծել Հայաստանի
ու Ադրբեջանի, Գազայի խնդիրները։ Մյուս թեժ կետերում նշույլ չկա։ Աշխարհում կա 50 պատերազմ,
ուստի զարմանալի չէ, որ Թրամփը լուծել է հինգը կամ վեցը»,- ընդգծել է նա։
Բելառուսի առաջնորդը հավելել է, որ անվտանգության
ոլորտում մնում են հսկայական թվով խնդիրներ։
