Կիևի վրա Ռուսաստանի գիշերային գրոհի ժամանակ «Իսկանդեր» հրթիռի
բեկորներն ընկել են Ադրբեջանի դեսպանատան շենքի վրա, գրել է Ուկրաինայի նախագահ Վլադիմիր
Զելենսկին Х սոցցանցում։
«Երեկ գիշերվանից մեր արտակարգ օգնության ծառայությունները աշխատում
են ռուսական հարվածների վայրերում։ Այս պահին հայտնի է տասնյակ վիրավորների մասին,
որոնց թվում են երեխաներ և մեկ հղի կին։ Ցավոք, չորս մարդ մահացել է։ Ցավակցություն
եմ հայտնում նրանց ընտանիքներին և մտերիմներին։ Գրոհի ժամանակ օգտագործվել է մոտ
430 դրոն և 18 հրթիռ, այդ թվում՝ բալիստիկ և աէրոբալիստիկ։
Դա եղել
է կանխամտածված գրոհ՝ նախատեսված մարդկանց և քաղաքացիական ենթակառուցվածքներին
առավելագույն վնաս հասցնելու համար: Միայն Կիևում տասնյակ բնակելի շենքեր են
վնասվել: Ադրբեջանի դեսպանատունը հարված է ստացել «Իսկանդեր» հրթիռի բեկորներից:
Հարվածի
հիմնական թիրախը Կիևն էր, հարվածներ են հասցվել նաև Կիևի, Խարկովի և Օդեսայի
մարզերին: Նախնական տեղեկություններով՝ ռուսները այսօր առավոտյան Սումիի մարզում
օգտագործել են «Ցիրկոն» հրթիռ: Ներքին գործերի նախարար Իգոր Կլիմենկոն արդեն
զեկուցել է տեղում փրկարարական աշխատանքների ընթացքի մասին: Շնորհակալություն եմ
հայտնում բոլոր նրանց, ովքեր օգնում են մեր մարդկանց: Օդուժի հրամանատար Անատոլի
Կրիվոնոժկոն նույնպես զեկուցել է մեր ՀՕՊ աշխատանքի արդյունքների մասին:
Շնորհակալություն եմ հայտնում մեր զինվորականներին իրենց արդյունավետ
գործողությունների համար»,- ասվում է հաղորդագրության մեջ:
