Կոտայքի մարզի Աբովյան քաղաքում 24-ամյա երիտասարդի սպանության մեջ կասկածվող եղբայրներն ինքնակամ ներկայացել են ոստիկանություն։ Տեղեկությունը հայտնում է shamshyan.com–ը։
«Ոստիկանության ձեռնարկված հսկայածավալ օպերատիվ հետախուզական գործողությունների և տարված բացատրական աշխատանքի շնորհիվ քիչ առաջ ոստիկանության Կոտայքի բաժին են ինքնակամ ներկայացել Աբովյան քաղաքի բնակիչներ 42-ամյա Աշոտ Սոխրաբյանցը և 34-ամյա Բենիամին Սոխրաբյանցը»,– գրում է կայքը։
Հիշեցնենք` նոյեմբերի 10-ին Աբովյան քաղաքի կենտրոնում սպանել էին 24-ամյա Սարգիս Զեյնալյանին։
Ըստ տեղեկությունների` ամիսներ առաջ` Գինու փառատոնի օրը, միջադեպ է տեղի ունեցել սպանվածի և կասկածյալի միջև, վիճաբանությունն օրեր անց շարունակվել է Աբովյան քաղաքում, ինչն էլ դարձել է 24-ամյա երիտասարդի մահվան պատճառ:
