Վրաստանը ողջունում է Հայաստանի և Ադրբեջանի միջև հարաբերությունների կարգավորման դինամիկ գործընթացը, հայտարարել է Վրաստանի արտաքին գործերի նախարար Մակա Բոճորիշվիլին «Առաջին ալիք»-ին տված հարցազրույցում։

Նրա խոսքով՝ այս գործընթացը կարևոր է տարածաշրջանում խաղաղության, կայունության և զարգացման համար, ինչպես նաև կնպաստի տարածաշրջանի դերի հետագա ամրապնդմանը Միջին միջանցքում։

Բոճորիշվիլին ընդգծել է, որ Վրաստանը ուշադիր հետևում է տարածաշրջանում տեղի ունեցող գործընթացներին և սերտ կապեր է պահպանում ինչպես Ադրբեջանի, այնպես էլ Հայաստանի հետ։