ԵԱՀԿ-ն փակեց Մինսկյան գործընթացը և դրա հետ
կապված կառույցները, ասվում է կազմակերպության հայտարարության մեջ։
«2025 թվականի նոյեմբերի 30-ին, ժամը
23:59-ին, ԵԱՀԿ-ն ավարտեց Մինսկյան գործընթացի և դրա հետ կապված կառույցները փակելու
աշխատանքը՝ համաձայն Նախարարների խորհրդի որոշման, որն ընդունվել էր 2025 թվականի
սեպտեմբերի 1-ին Հայաստանի և Ադրբեջանի կողմից ԵԱՀԿ-ում Ֆինլանդիայի
նախագահությանը ուղղված համատեղ դիմումից հետո»,- ասվում է հաղորդագրության մեջ։
Նշվում է, որ բոլոր անհրաժեշտ վարչական
ընթացակարգերի ավարտը նշանավորում է փակման գործընթացի ավարտը։
«Այս գործընթացը ԵԱՀԿ բոլոր 57 անդամ պետությունների
սեպտեմբերի 1-ի կոնսենսուսային որոշման իրագործումն էր, որն ընդունվել էր 2025
թվականի օգոստոսի 8-ին Վաշինգտոնում ՀՀ վարչապետ Նիկոլ Փաշինյանի և Ադրբեջանի
նախագահ Իլհամ Ալիևի կողմից ԱՄՆ նախագահ Դոնալդ Թրամփի ներկայությամբ ստորագրված
պատմական համատեղ հռչակագրից հետո»,- նշվում է տեքստում։
Հիշեցնենք. ԵԱՀԿ Մինսկի խումբը ստեղծվել է
1992 թվականին և գործել Ռուսաստանի, Ֆրանսիայի և Միացյալ Նահանգների
նախագահությամբ։
