Չինաստանի նախագահ Սի Ծինպինի հրավերով Ֆրանսիայի նախագահ Էմանուել Մակրոնը դեկտեմբերի 3-ին պետական այցով կայցելի Չինաստան, այցը կավարտվի դեկտեմբերի 5-ին: Ըստ «Սինհուա» գործակալության՝ դրա մասին երկուշաբթի հայտարարել է Չինաստանի ԱԳՆ խոսնակ Լին Ծյանը:
Սա Մակրոնի չորրորդ պետական այցն է Չինաստան և պատասխան այց՝ Սի Ծինպինի անցյալ տարի Ֆրանսիա կատարած պատմական այցից հետո, որը նվիրված էր Չինաստանի և Ֆրանսիայի միջև դիվանագիտական հարաբերությունների հաստատման 60-ամյակին, նշել է Լին Ծյանը:
