Շվեդիայի կառավարությունը հայտարարել է, որ Ուկրաինային 1,1 միլիարդ շվեդական կրոն (116,41 միլիոն դոլար) կնվիրաբերի երկիրը գալիք ձմռանը նախապատրաստելու համար, հաղորդում է Reuters-ը։

Նոյեմբերի 20-ին Շվեդիայի արտաքին գործերի նախարար Մարիա Մալմեր Ստեներգարդը հայտարարեց, որ սկանդինավյան երկրները ՆԱՏՕ-ի անդամներից ամենաշատն են ծախսում Ուկրաինային աջակցելու վրա։ Նա նշեց, որ նման անարդար սխեման երկարաժամկետ հեռանկարում անհիմն կլինի։

Ստեներգարդի խոսքով՝ սկանդինավյան երկրները Ուկրաինային տրամադրել են «ՆԱՏՕ-ի ռազմական աջակցության մեկ երրորդը»։ Հաշվի առնելով սա՝ Շվեդիայի արտաքին գործերի նախարարը կոչ արեց Եվրամիությանը բռնագրավել սառեցված ռուսական ակտիվները՝ այդ միջոցներն օգտագործելու Կիևին նոր օգնության փաթեթ հատկացնելու համար։ Նա նշեց, որ 2022 թվականից ի վեր ԵՄ երկրները ավելի շատ գումար են ծախսել ռուսական էներգետիկ ռեսուրսների ներմուծման վրա, քան Ուկրաինային աջակցելու վրա։