Ռուս-ուկրաինական պատերազմին վերջ դնելու խաղաղության
ծրագրի շրջանակներում Վաշինգտոնը և Կիևը քննարկում են առաջարկ, համաձայն որի՝ Ուկրաինան
կարող է անդամակցել Եվրամիությանը արդեն 2027 թվականին: Այս մասին գրել է The
Washington Post-ի սյունակագիր Դեյվիդ Իգնատիուսը՝ հղում անելով ամերիկացի և ուկրաինացի
պաշտոնյաներին։
ԵՄ-ին Ուկրաինայի այսպիսի արագ անդամակցությունը
մտահոգել է Եվրամիության որոշ երկրների, նշել է նա։ Սակայն Դոնալդ Թրամփի վարչակազմը
համարում է, որ կարող է հաղթահարել Հունգարիայի հակազդեցությունը, որը դեմ է Ուկրաինայի
անդամակցությանը։
Ենթադրվում է, որ ԵՄ անդամակցությունը կնպաստի առևտրի
և ներդրումների զարգացմանը, ինչպես նաև Ուկրաինայում կոռուպցիայի դեմ պայքարին։
Բանակցություններին քննարկվում է նաև ապառազմականացված
գոտի ստեղծելու առաջարկը «հրադադարի ամբողջ գծի երկայնքով»՝ Դոնեցկի մարզից մինչև Խերսոն
և Զապորոժիե: «Այս ապառազմականացված գոտուց այն կողմ կտեղակայվի մեկ այլ՝ ավելի խորը
գոտի, որտեղ արգելվելու է ծանր սպառազինությունը: Այս գոտին կգտնվի համակ հսկողության
ներքո՝ նման Հյուսիսային և Հարավային Կորեաները բաժանող ապառազմականացված գոտուն»,-
գրում է սյունակագիրը։
Նրա տեղեկություններով՝ այլ գաղափարների շարքում
է Զապորոժիեի ԱԷԿ-ի անցումը ԱՄՆ վերահսկողության ներքո։
