Ուկրաինայի
նախագահ Վլադիմիր Զելենսկին հայտարարել է, որ իր երկիրը կարող է հրաժարվել ՆԱՏՕ-ին
անդամակցելուց, եթե ԱՄՆ-ն և եվրոպական երկրները ներկայացնեն անվտանգության
երաշխիքներ, հաղորդում է Reuters-ը։
«Ի սկզբանե
Ուկրաինան ցանկանում էր միանալ ՆԱՏՕ-ին. դա իրական անվտանգության երաշխիք է։ ԱՄՆ-ի
և Եվրոպայի որոշ գործընկերներ չեն աջակցել այս ձգտմանը»,- դեկտեմբերի 14-ին ասել է
Զելենսկին՝ պատասխանելով լրագրողների հարցերին WhatsApp-ի միջոցով։
«Այսօր
Ուկրաինայի և ԱՄՆ-ի միջև երկկողմ անվտանգության երաշխիքները՝ նման 5-րդ հոդվածին, մեզ
համար ԱՄՆ-ի կողմից, և մեր եվրոպացի գործընկերների, ինչպես նաև այլ երկրների՝
Կանադայի, Ճապոնիայի կողմից անվտանգության երաշխիքները հնարավորություն են
կանխելու ռուսական մեկ այլ ներխուժում»,- հավելել է Զելենսկին։
«Եվ
սա արդեն մեր կողմից փոխզիջում է»,- ասել է նա՝ հավելելով, որ անվտանգության
երաշխիքները պետք է լինեն իրավաբանորեն պարտադիր։
