Սանկտ Պետերբուրգում մեկնարկեց Անկախ Պետությունների Համագործակցության ոչ պաշտոնական գագաթնաժողովը։

Ռուսաստանի նախագահ Վլադիմիր Պուտինը հյուրերին դիմավորել է Ձմեռային պալատի Ալեքսանդրյան դահլիճում՝ նվիրված կայսր Ալեքսանդր I-ի և 1812 թվականի Հայրենական պատերազմի հիշատակին։

Այստեղ է սկսվել ոչ պաշտոնական գագաթնաժողովի էքսկուրսիայի մասը։ Էքսկուրսավարի դերում հանդես է եկել Էրմիտաժի գլխավոր տնօրեն Միխայիլ Պիոտրովսկին։

Էքսկուրսիայից հետո ԱՊՀ պետությունների ղեկավարները կշարունակեն շփումը ոչ պաշտոնական նախաճաշի շուրջ և համերգ կդիտեն։