Մոսկվայի Զամոսկվորեցկի դատարանը Գարի Կասպարովին (Ռուսաստանում
ճանաչվել է որպես օտարերկրյա գործակալ և ներառվել ահաբեկիչների և ծայրահեղականների
ռեեստրում) հեռակա կալանավորել է՝ ահաբեկչության արդարացման մեղադրանքով։ Այս մասին
ՏԱՍՍ-ին հայտնել են դատարանից։
«Դատարանն ընտրել է Կասպարովին հեռակա կալանավորելու խափանման
միջոցը՝ երկու ամիս ժամկետով Ռուսաստանում նրա ձերբակալման կամ Ռուսաստանի տարածք արտահանձնման
պահից սկսած»,- ասել է դատարանը։
Կասպարովին մեղադրանք է առաջադրվել Ռուսաստանի Քրեական
օրենսգրքի 205.2 հոդվածի 2-րդ մասով (ահաբեկչության հրապարակային արդարացում
տեղեկատվական և հեռահաղորդակցական ցանցերի օգտագործմամբ, այդ թվում՝ ինտերնետի
միջոցով): Այս հոդվածը նախատեսում է 5-ից 7 տարվա ազատազրկում՝ մինչև հինգ տարի
ժամկետով զրկելով որոշակի պաշտոններ զբաղեցնելու կամ որոշակի գործունեությամբ
զբաղվելու իրավունքից։
Արդարադատության նախարարությունը
Կասպարովին 2022 թվականի մայիսին ներառել է օտարերկրյա գործակալների ցուցակում։ Նա
բնակվում է Ռուսաստանի Դաշնությունից դուրս։
