ՌԴ նախագահ Վլադիմիր Պուտինը ռուսաստանցի առաջատար գործարարներից մի քանիսին ասել է, որ հնարավոր է՝ պատրաստ լինի Ուկրաինայում ռուսական զորքերի կողմից վերահսկվող որոշ տարածքների փոխանակմանը, սակայն ցանկանում է ստանալ ամբողջ Դոնբասը, հաղորդում է «Կոմերսանտ»-ը:
Թերթը հայտնել է, որ Պուտինը դեկտեմբերի 24-ին Կրեմլում կայացած գիշերային հանդիպման ժամանակ առաջատար գործարարներին ծանոթացրել է ծրագրի մանրամասներին:
Ըստ էության, Պուտինը ցանկանում է ստանալ ամբողջ Դոնբասը, սակայն այդ տարածքից դուրս «չի բացառվում ռուսական կողմից տարածքների մասնակի փոխանակումը», մանրամասնել է պարբերականը:
