Թուրքիայի
ԱԳ նախարար Հաքան Ֆիդանը անդրադարձել է TRIPP-ի հրապարակված փաստաթղթին և նշել, որ
շատ ուշադիր ուսումնասիրել են այն Ադրբեջանի ԱԳ նախարար Բայրամովի հետ:
«Եթե կարճ՝ մեր նպատակը հետևյալն է. չնայած բազմաթիվ
տեխնիկական դետալներին, մենք ցանկանում ենք, որ Ադրբեջանի և Հայաստանի միջև նախաստորագրված
համաձայնագիրը վերջնականապես ձևակերպվի ստորագրման ճանապարհով, իսկ այնուհետև որքան
հնարավոր է շուտ իրագործվեն և կարգավորվեն Թուրքիայի և Հայաստանի միջև հարաբերությունները,
որպեսզի մենք կարողանանք շարունակել մեր ուղին տարածաշրջանում կայունության և բարգավաճման
պայմաններում։ Ներկայում այս ցանկությունն առկա է Ադրբեջանի, Հայաստանի և Թուրքիայի
քաղաքական ղեկավարության շրջանում»,-
նշել է Թուրքիայի ԱԳ նախարարը:
Նա կարևորել է նաև հունիսի
սկզբին Հայաստանում կայանալիք ընտրությունները, որը, նրա խոսքով, կլինի կարևոր փուլ.
«Բայց մենք տեսնում ենք, որ պարոն Փաշինյանն այժմ առաջատար է հասարակական կարծիքի
հարցումներում։ Մենք իսկապես աջակցում ենք նրա կառուցողական դերին այս գործընթացում։
Այս գիծը, այս կամքը պետք է շարունակվի»:
