Վրաստանից Հայաստանի սահման տանող ճանապարհը ժամանակավորապես փակ է բեռնատարների համար։

Այս մասին հայտնում է Վրաստանի ճանապարհների դեպարտամենտը։

Սահմանափակումները վերաբերում են Կոդա-Պարցխիսի-Մանգլիսի-Ծալկա-Նինոծմինդա ճանապարհի 94-146 կմ հատվածին (Այազմա- Նինոծմինդա)։ Կցորդիչով և կիսակցորդներով տրանսպորտային միջոցներին արգելվում է ճանապարհն անցնել երեկոյան ժամը 20:00-ից մինչև առավոտյան 10:00-ն։

Սահմանափակման պատճառը մերկասառույցն է։ Բեռնատարներին թույլատրվում է երթևեկել այլ ժամերին։

Մյուս բոլոր տրանսպորտային միջոցների համար երթևեկությունը բաց է։