ՀԷՑ-ի ժամանակավոր կառավարիչ Ռոմանոս Պետրոսյանը ֆեյսբուքյան իր էջում գրել է․

«Հանգստյան օրվա ավարտին ոչ պաշտոնապես մի բան ասեմ.

Խորհուրդ եմ տալիս խոշոր մասնավոր ընկերությունների սեփականատերերին եւ բաժնետերերին՝ եթե ձեր ընկերություններում ներդրված չէ ֆինանսաբանկային (գանձապետական) գործառնությունների իրականացման եռաստիճան (վերադասության կարգով՝ միմյանց վերահսկող) համակարգ, ապա բնավ չխախտելով որեւէ անձի անմեղության կանխավարկածը եւ կասկածի տակ չառնելով ձեր ընկերությունների գործադիր եւ ֆինանսական բլոկի թոփ-մենեջմենթի ներկայացուցիչների ազնվությունն ու արհեստավարժությունը, առաջարկում եմ հավելյալ անգամ ստուգել վերջին շրջանում ընկերության հաշվեհամարներից իրականացված՝ խոշոր փոխանցումների բոլոր դետալները (հասցեատեր, նպատակ, գումարի չափ եւ այլն)։

Շատ հնարավոր է՝ հանկարծ պարզվի, որ Ընկերության ընթացիկ բանկային հաշվեհամարներից մեկից բարձր ղեկավարության ուղիղ ցուցումով, ասենք, 480 մլն ՀՀ դրամ (ավելի քան 1,2mln $) փոխանցված լինի, օրինակ, վերջիններիցս մեկի կնոջ ԱՆՁՆԱԿԱՆ բանկային հաշվեհամարին. իհարկե՝ «փոխանցման նպատակ» դաշտում լրացված կլինի մի շատ «անշառ եւ նվիրական» ձեւակերպում՝ աուդիտորների աչքերում ոչ մի կասկած չհարուցելու նպատակով։ Հ.Գ. Մոտ օրերս նմանատիպ մի բանկային տրանսակցիայի բոլոր նյութերը կփոխանցվեն իրավապահ մարմիններին՝ քրեաիրավական գնահատականի նպատակով։»։

 Հ.Գ. Մոտ օրերս նմանատիպ մի բանկային տրանսակցիայի բոլոր նյութերը կփոխանցվեն իրավապահ մարմիններին՝ քրեաիրավական գնահատականի նպատակով»։