Մեզ հասած հավաստի տեղեկություններով՝
նույնականացվել է ՀԷՑ-ի այն աշխատակիցը, որը այս ողջ ընթացքում տեղեկատվական արտահոսքեր
էր կազմակերպում «Տաշիր Գրուպ»-ին։ Այդ տեղեկությունների հիման վրա էլ ՀԷՑ-ի նախկին սեփականատեր Սամվել Կարապետյանի թիմը՝
իրեն կցված ֆեյքերի գումարտակի միջոցով, համացանցում զբաղված էր հանրությանը կեղծ, խեղաթյուրված տեղեկություններ մատուցելով։
Մասնավորապես, երբ ՀԷՑ-ը հայտնում
էր այս կամ այն մարզում ժամանակավոր հոսանքազրկման մասին, «տաշիրականներն» իրենց փոխկապակցված էջերով հոսանքի անջատումների հաճախակիության ու տևողության
մասին կեղծ տեղեկություններ էին տարածում՝ հանրության մոտ տպավորություն ստեղծելով,
թե՝ «ՀԷՑ-ը Տաշիրենց ձեռքից խլելուց հետո էլ բան չի փոխվել», հոսանքազրկումները նախկինի պես շարունակվում են, ընդ որում՝ ավելի հաճախակի ու ավելի երկար տեւողությամբ։
