ՀՀ տարածքային կառավարման և ենթակառուցվածքների նախարար Դավիթ Խուդաթյանը Բրյուսելում անցկացվող «Կապակցվածության օրակարգի հարթակ»-ի առաջին հանդիպման շրջանակներում երկկողմ հանդիպում է ունեցել Թուրքիայի տրանսպորտի ու ենթակառուցվածքների նախարար Աբդուլքադիր Ուրալօղլուի հետ։ Այս մասին տեղեկացնում են ՀՀ ՏԿԵ նախարարությունից:
«Հանդիպման ընթացքում քննարկել ենք տարածաշրջանային կապուղիների զարգացման հնարավորությունները։
Երկուստեք կարևորել ենք երկաթուղային և ավտոմոբիլային հաղորդակցության ապաշրջափակման և անհրաժեշտ ենթակառուցվածքների ապահովմանն ուղղված աշխատանքները։
Անդրադարձ ենք կատարել նաև Անիի կամրջի վերականգնման աշխատանքներին։
Քննարկել ենք երկուստեք հետաքրքրություն ներկայացնող այլ հարցեր»,- գրել է նախարարը։
