Ազգային ժողովի փոխնախագահ, նախագահի պարտականությունները ժամանակավորապես կատարող Ռուբեն Ռուբինյանը որոշում է ստորագրել, որով հաստատվել է խորհրդարանի նստավայրի տարածքում և շենքում գործող անվտանգության կանոնները։
Ըստ այդ որոշման՝ Ազգային ժողովի տարածքի և շենքի պահպանությունը, ինչպես նաև անվտանգության ապահովումը շարունակելու է իրականացնել Հայաստանի Հանրապետության պետական պահպանության ծառայությունը։
ԱԺ աշխատակազմի ղեկավար-գլխավոր քարտուղարին հանձնարարվել է սահմանված կարգով նոր կանոնների մասին ծանուցել Ազգային ժողովի նախագահի տեղակալներին, խորհրդարանական խմբակցություններին, մշտական հանձնաժողովների նախագահներին և նրանց տեղակալներին, պատգամավորներին, ինչպես նաև՝ Ազգային ժողովի և Հաշվեքննիչ պալատի աշխատակազմերին։
Որոշումն ամբողջությամբ՝ այստեղ։
Հիշեցնենք՝ մինչև 8-րդ գումարման ԱԺ-ի ավարտը, օգոստոսի 2-ը, ԱԺ նախագահ Ալեն Սիմոնյանն արձակուրդում է գտնվելու։
