Եվրոպական խորհրդարանը սեպտեմբերի 15-ին նախատեսում է քվեարկություն անցկացնել Հայաստանից Եվրոպական միություն արտահանվող ապրանքների շուրջ 80 տոկոսի համար մաքսատուրքերը ժամանակավորապես չեղարկելու հարցով։
Եվրոպական միության առաջարկած նախագծով նախատեսվում է երկու տարի ժամկետով հանել հայկական մի շարք ապրանքատեսակների մաքսատուրքերը։ Բացի այդ, նախատեսվում է առանց մաքսատուրքի ներմուծման հատուկ քվոտաներ սահմանել հայկական գյուղատնտեսական ութ տեսակի արտադրանքի, այդ թվում՝ ծիրանի, խաղողի, կեռասի, դեղձի և վարունգի համար։
Եվրամիության այս աջակցող նախաձեռնությունն իրականացվում է Ռուսաստանի կողմից հայկական առանցքային ապրանքատեսակների նկատմամբ սահմանված սահմանափակումների ֆոնին։
