ՀՀ առողջապահության նախարար Անահիտ Ավանեսյանը Նյու Յորքում մասնակցել է ՄԱԿ-ի 81-րդ վեհաժողովին ընդառաջ կազմակերպված Առողջապահության համընդհանուր ծածկույթի և գլոբալ առողջապահության բարեկամների խմբի 7-րդ ամենամյա նախարարական հանդիպմանը։

Այս մասին նախարարը հայտնել է ֆեյսբուքյան իր էջում՝ հրապարակելով տեսանյութ։ Նա նշել է, որ իր ելույթի ընթացքում ներկայացրել է առողջապահական համընդհանուր ծածկույթի ուղղությամբ Հայաստանի ձեռքբերումներն ու փորձը։ Ըստ Ավանեսյանի՝ այս տարի արդեն իսկ ապահովվել է բնակչության 60%-ի ընդգրկվածությունը, իսկ առաջիկա երկու տարիներին այդ ցուցանիշը նախատեսվում է հասցնել 100%-ի։